235 tylli ki case la lah pynbeit lyngba ka National Lok Adalat ha ka jylla

Syllad | The Rising MeghalayaSeptember 11, 2023

Ka Meghalaya State Legal Services Authority ka la pynlong ia ka National Lok Adalat haka sngi Saitjain ha baroh ki district jong ka jylla Meghalaya hapoh ka jingkhmih jingpyniaid jong ka National Legal Services Authority (NALSA).

Na ka liang u Bah E Kharumnuid, Member Secretary ka Meghalaya State Legal Services Authority u pyntip ba ba ka National Lok Adalat pdiang haduh 837 tylli ki Pre-Litigation cases bad 450 pending cases na ka bynta ka jingiapynbeit.

Ha baroh ki la don haduh 1287 tylli ki case ba la shim ha kaba 235 na ki la lah ban pynbeit bad noh ha ka jinglut kaba tang T. 84, 47,480/- (Phraphew saw lak sawphew hynniew hajar saw spah phra phew tyngka) ha kane ka National Lok Adalat.