24 iabit thymmai iaka jingpang COVID-19, khlad 2

Syllad | The Rising MeghalayaFebruary 26, 2022

Ar ngut ki briew kila khlad na ka jingshitom na ka jingpang khlam bad da kane ka jingdon jong ki briew kiba iap pang COVID-19 kala kynjoh sha 1577 ngut bad kiba iabit thymmai iaka jingpang ki don 24 ngut haka sngi Saitjain.

Kine kiba khlad ar ngut ki dei na East Khasi Hills bad Eastern West Khasi Hills.

Katkum ka jingpyntip ka tnad ka Koit ka Khiah kiba dang shitom ne ki active case ka long 189 ngut hapoh ka Jylla.

Ki briew kiba iabit thymmai iaka jingpang khlam ki kynthup na East Khasi Hills 7, West Garo Hills 3, Ri Bhoi 3, South West Garo Hills 1, North Garo Hills 1, South West Khasi Hills 3, West Jaintia Hills 1, East Jaintia Hills 1, Eastern West Khasi Hills 1 bad East Garo Hills 3.

Ki nongpang kiba la ioh pat iaka jingkoit ki don haduh 44 ngut. Kine ki kynthup na East Khasi Hills 20, West Garo Hills 4, Ri Bhoi 3, South West Garo Hills 2, West Khasi Hills 1, West Jaintia Hills 6, North Garo Hills 3, South Garo Hills 1, Eastern West Khasi Hills 2, East Jaintia Hills 1 bad East Garo Hills 1.

Ka jingdon jong ki briew bala ïabit ïa kane ka jingpang khlam ha Jylla baroh ka long 93437 ngut bad napdeng kine 91671 ngut kila ïoh ïa ka jingkoit bad 1577 ngut kiba ïap nalor ki briew ba dang shitom.

Ka East Khasi Hill ka don 61 ngut kiba shitom ne active case, West Garo Hills 23, Ri Bhoi 24, West Jaintia Hills 19, South West Garo Hills 11, South West Khasi Hills 7, Eastern West Khasi Hills 7, North Garo Hills 15, East Jaintia Hills 11, West Khasi Hills 7 bad East Garo Hills 4.