25 snem shah rai set phatok u Lovely ba donkti leh beijot ia ka khynnah

Syllad | The Rising MeghalayaOctober 1, 2024

Ka kashari jong ka Special Judge (POCSO), East Jaintia Hills District, Khliehriat ha ka 20 u Nailur 2024 ka la rai pynrem ia uwei u runar uba kyrteng u Lovely Chyrmang da kaba set phatok 25 snem kynthih namar ka jingdonkti ha kaba leh beijot ia kawei ka khynnah rit.

U Superintendent of Police, East Jaintia Hills ha u kyrwoh u pyntip ba katkum ka case ba la register hapoh Khliehriat Police Station katkum ka Case No. 22(01)2017 U/s 5(j)(ii)/6 POCSO Act. Ha kaba iadei bad kane ka jingjia, ia ka jingtohkit la pynkhamti ha ka WPSI B. Shadap.

Hadien ka jingtohkit kaba bniah la Chargesheet katkum ka CS No. 31/2018 dated 24.04.2018.

Hadien ba la pyndep ia ka jingshim bishar, ka kashari jong ka Special Judge (POCSO), ka la shem ba u Lovely Chyrmang ula leh ia kane ka kam bymman ha kaba ka la rai pynrem pyrshah ia u da kaba set phatok 25 snem kynthih hapoh ki kyndon jong ka POCSO Act nalor ka kuna kaba long T.50,000/-.