264 iabit thymmai iaka jingpang COVID-19, khlad 4 ngut

Syllad | The Rising MeghalayaSeptember 1, 2021

264 ngut ki briew kiba iabit thymmai iaka jingpang khlam COVID-19, 4 ngut ki briew kila khlad bad da kane ka jingiap kala kynjoh sha 1315 haka jylla haka sngi Balang.

Kine kiba la khlad 4 ngut ki dei na East Khasi Hills District: 2 bad mar iwei na Ri Bhoi bad West Khasi Hills.

Kat kum ka jingpyntip ka Tnad ka Koit ka Khiah, 264 ngut ki briew kila ïabit thymmai ïa kane ka jingpangkhlam bad kiba dang shitom ne ki active case ka long 2263 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 5, EJH: 6, EKH: 156, RBD: 25, SWKH: 5, WGH: 9, WJH: 8 bad WKH: 50.

Ki nongpang kiba la ioh pat iaka jingkoit ki don haduh 323 ngut. Kine ki kynthup na EJH: 1, EKH: 136, NGH: 1, RBD: 94, SGH: 2, SWGH: 1, SWKH: 4, WGH: 11, WJH: 22 bad WKH: 51.

Ka jingdon jong ki briew bala ïabit ïa kane ka jingpang khlam ha Jylla baroh ka long 76100 ngut bad napdeng kine 72522 ngut kila ïoh ïa ka jingkoit bad 1315 ngut kiba ïap nalor ki briew ba dang shitom.