27 iabit thymmai iaka jingpang COVID-19, khlad 4

Syllad | The Rising MeghalayaNovember 2, 2021

Haka sngi ba ar 27 ngut ki briew kila iabit thymmai iaka jingpang khlam COVID-19, 4 ngut kila khlad bad da kane ka jingdon jong ki briew kiba iap pang COVID-19 kala kynjoh sha 1456 ngut ha Jylla.

Kine kiba khlad 4 ngut ki dei na East Khasi Hills: 2, South West Garo Hills: 1 bad West Jaintia Hills: 1.

Katkum ka jingpyntip ka tnad ka Koit ka Khiah, 27 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 412 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 1, EJH: 2, EKH: 20, SWKH: 1, WGH:1, WJH: 1 bad WKH: 1.

Ki nongpang kiba la ioh pat iaka jingkoit ki don haduh 37 ngut. Kine ki kynthup na EGH: 4, EKH: 26, RBD: 5, WGH: 1 bad WJH: 1.

Ka jingdon jong ki briew bala ïabit ïa kane ka jingpang khlam ha Jylla baroh ka long 83712 ngut bad napdeng kine 81844 ngut kila ïoh ïa ka jingkoit bad 1456 ngut kiba ïap nalor ki briew ba dang shitom.

Ka East Khasi Hills kadon 275 active case, West Khasi Hills 56 case, West Jaintia Hills 26, Ri Bhoi 16, West Garo Hills 12, South West Khasi Hills 7, East Jaintia Hills 6, East Garo Hills 7, North Garo Hills 4, South West Garo Hills 2 bad South Garo Hills 1.