27 ngut shah pynkup burom da ka Woh Tep Kyndait Award

Syllad | The Rising MeghalayaDecember 17, 2022

Ka Khasi Students’ Union (KSU) Wapung unit kala pynkup burom iaki 27 ngut ki samla na ki san shnong da ka 3^rd Woh Tep Kyndait Academic Award haka sngi Thohdieng.

Kine ki 27 ngut ki samla kiba shah pynkup burom ki dei na ka shnong Wapungskur, Wapung Shnong, Tuber Kmai Shnong, Tuber Shohshrieh bad ka Mookhep kiba pass ha ki kyrdan bapher kynthup iaka

SSLC, HSSLC bad Bachelor Degree, Master degree bad iwe i Doctor.

U Ohibait Dkhar president barim KSU Jaintia Hills unit ula iathuh iaka khana lyngkot u Woh Tep Kyndait. Ula iathuh ba U Woh Tep u la ieng pyrshah ia u Syiem ka Jaiñtiapur  u Amratap Sing ha kaba u lah thmu ban pynkylla niam Hindu ia baroh ki khun ka Rilum Jaintia bad ki khun khara ki Khad-ar Dalloi. U la ong shuh shuh bah aka thma Nongsyntoiñ ha kaba u Syiem ka Jaiñtiapur u la phah da u Syiem khynnah u Syiem Rapo Ram Sing bad u Woh Tep u la jop ia kane ka thma.

U Raymond Kharjana education secretary CEC KSU ula ong jin da U Woh Tep u ialeh pyrshah ia ka sorkar phareng, ka sorkar Meghalaya ka la ithuh ia u Woh Tep Kyndait kum u wei na ki khlaiwait ka Ri, hynrei namar ba u ialeh pyrshah ia u Syiem Jaiñtiapur ka khlem ithuh ia u kum uwei na ki khlaiwait bad u riewkhraw ka jaidbynriew.

Ia kane ka prokram la assistant organising secretary KSU East Jaintia Hills District Unit u Shibaitlang Rymbai haka jingiadonlang  Raymond Kharjana education secretary CEC KSU uba long ruh u Khongsan,  u Damewanhi L Rymbai uba long u symbud kongsan, u Kwilness Suchiang General Secretary KSU EJHDU, u Satly Ryngkhlem Vice President KSU EJHDU, u Shaniahskhem Dkhar Finance Secretary KSU EJHDU, ki nongialam shnong na ka shnong Wapung Shnong bad Wapung Skur.