27 tarik yn bam smai ki MDC kiba shah jied thymmai sha ka KHADC & JHADC

Syllad | The Rising MeghalayaFebruary 26, 2025

Ki MDC kiba dang shu shah jied thymmai sha ka Iingdorbar ka Khasi Hills Autonomous District Council (KHADC) bad Jaintia Hills Autonomous District Council (JHADC) kin shah pyntian smai lashai ka sngi 27 tarik Rymphang ha ka jingialang ka ban long ha Shillong bad Jowai, kane ka long katkum ka jingpynbna ba la pynmih da ka Tnad District Council Affairs ka sorkar Meghalaya.

Ka jingpynbna ka pyntip ruh ba ia kane ka jingpyntian smai yn pyniaid da ki Deputy Commissioner jong ka East Khasi Hills bad West Jaintia Hills, katkum ka Assam & Meghalaya Autonomous Districts (Constitution of District Councils) Rules, 1951.

Hadien kane ka jingialang pyntian smai, ki Council ha ka 28 tarik Rymphang kin pynlong ia ka jingjied ia ki Chairman ha ka por 11 baje mynstep bad bud sa ka jingjied ia ki Chief Executive Members (CEM) ha ka por 2 baje nohphai sngi.

Ha KHADC ka Voice of the People Party (VPP) ka la jop 17 na ki 29 tylli ki seats, bud sa ka United Democratic Party (UDP) da 5 seat, NPP 4 seat,  2 ki kyrtong khlem seng, bad 1 na ka Hill State People’s Democratic Party (HSPDP).

Ha JHADC ka National People’s Party (NPP) ka la jop 13 seat, hadien ka la kiew sha ka 14 bad ioh ruh ia ka jingkyrshan na ka United Democratic Party (3 seat) bad uwei u kyrtong khlem seng kaba la kyntiew sha ka 18 ngut ki MDC.