28 tarik Rymphang yn sdang ka Dorbar Mang Tyngka ka Jylla

Syllad | The Rising MeghalayaFebruary 6, 2025

U Lamphang ka iingdorbar thaw Ain ka jylla u Thomas Sangma u pyntip ba ka Dorbar Mang Tyngka ka Jylla kan sdang naduh ka 28 tarik Rymphang haduh ka 13 tarik u Lber.

Kane ka Dorbar Mang Tyngka kan neh shiphew sngi ha kaba hynniew sngi la mang kyrpang la mang halor ki kam ba iadei jong ka sorkar jylla bad lai sngi sha ki MLA shimet shimet.

U Lamphang u pynthikna ba kin ai ia ka por kaba biang na ka bynta baroh ba kin iashim bynta, bad lada duna lah ruh ban pynjlan ia ka jingshong dorbar wat ha ka sngi Thohdieng ruh lada donkam.

U Lamphang u pyntip ruh ba kane ka dei ka rai kaba la mih na ka Business Advisory Committee (BAC) ka iingdorbar thaw Ain kaba la long haka 6 tarik ha kaba la iashim bynta ruh da u Symbud Myntri Rangbah uba khmih ia ka Parliamentary Affairs u Bah Prestone Tynsong, u Nongialam liang pyrshah u Dr Mukul Snagma, Nongialam ka Trinamool Congress u Bah Charles Pyngrope, u nongaibuit ka Sorkar Bah Lahkmen Rymbui nalor ki ophisar sorkar.