288 iabit thymmai iaka jingpang COVID-19, khlad 6

Syllad | The Rising MeghalayaJanuary 27, 2022

Haka sngi ba Palei 288 ngut ki briew kila iabit thymmai iaka jingpang khlam COVID-19, khlad 6 ngut bad da kane ka jingdon jong ki briew kiba iap pang COVID-19 kala kynjoh sha 1509 ngut ha Jylla.

Kine kiba khlad 6 ngut ki dei na East Khasi Hills 3 ngut, Eastern West Khasi Hills 2 bad South West Khasi Hills 1.

Katkum ka jingpyntip ka tnad ka Koit ka Khiah, 288 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 2415 ngut hapoh ka Jylla.

Ki briew kiba iabit thymmai iaka jingpang khlam ki kynthup na East Khasi Hills 197, West Garo Hills 38, Ri Bhoi 13, South West Garo Hills 5, South West Khasi Hills 5, West Jaintia Hills 6, North Garo Hills 7, Eastern West Khasi Hills 6, South Garo Hills 7, West Khasi Hills 2 bad East Garo Hills 2.

Ki nongpang kiba la ioh pat iaka jingkoit ki don haduh 361 ngut. Kine ki kynthup na East Khasi Hills 262, West Garo Hills 69, Ri Bhoi 7, West Jaintia Hills 7, East Jaintia Hills 3, South West Garo Hills 1, West Khasi Hills 5, South Garo Hills 5, East Garo Hills 1 bad Eastern West Khasi Hills 1.

Ka jingdon jong ki briew bala ïabit ïa kane ka jingpang khlam ha Jylla baroh ka long 89841 ngut bad napdeng kine 85917 ngut kila ïoh ïa ka jingkoit bad 1509 ngut kiba ïap nalor ki briew ba dang shitom.

Ka East Khasi Hill ka dei kaba bun eh kiba iabit khlam COVID-19 bad ka don 1466 ngut kiba shitom ne active case bud sa ka West Garo Hills 422, Ri Bhoi 183, West Jaintia Hills 75, South West Garo Hills 40, East Jaintia Hills 32, Eastern West Khasi Hills 41, South West Khasi Hills 42, West Khasi Hills 25, North Garo Hills 46, South Garo Hills 24 bad East Garo Hills 19.