3 tarik u snem thymmai yn pynlip noh iaki jingpynriam Christmas ha Moolamylliang

Syllad | The Rising MeghalayaDecember 28, 2020

Ka Dorbar Shnong Moolamylliang kala pynbna paidbah ba haka 3 tarik u bnai Kyllalyngkot 2021 kan pynlip ne weng noh iaki jingpynriam Christmas, kiba kila pynriam ha baroh kawei ka shnong.

“Ngi pdiang sngewbha iaki nongwan jngohkai iaki lights decorations hapoh ka shnong ha kaba yn pynkut noh iaka haka miet 3/01/2021,” la ong u ma Apmon Pachiang, Waheh Shnong Moolamylliang.

Ula kyntu iaki nongwan jngohkai ba kin sngewbha ban iatreilang bad ka shnong bad ban wan da ka jingkmen ka akor bad burom bad ban nym bret pathar iaki jaboh kat shaba lap ba shem.

“Na ka bynta kino kino jingtip kiba ia dei bad ka shnong Moolamylliang, phin sngewbha ruh ban peit haka Facebook page kaba la ai kyrteng “Moolamylliang village” ba phin sngewbha ruh ban ai jingkyrshan iaka shnong da kaba follow,like bad share ia kane ka page,” ong shuh shuh u ma Apmon.