30 iabit thymmai iaka jingpang COVID-19, khlad 1

Syllad | The Rising MeghalayaMarch 3, 2022

Haka sngi Palei 30 ngut ki briew kiba iabit thymmai iaka jingpang khlam, iwei ba khlad na ka jingshitom na ka jingpang khlam COVID-19.

Ine iwei iba khlad i dei na East Khasi Hills District.

Katkum ka jingpyntip ka tnad ka Koit ka Khiah, kiba dang shitom ne ki active case ka long 164 ngut hapoh ka Jylla.

Ki briew kiba iabit thymmai iaka jingpang khlam ki kynthup na East Khasi Hills 3, West Garo Hills 2, Ri Bhoi 3, North Garo Hills 9, West Jaintia Hills 4, East Jaintia Hills 2, West Khasi Hills 2 bad East Garo Hills 5.

Ki nongpang kiba la ioh pat iaka jingkoit ki don haduh 23 ngut. Kine ki kynthup na East Khasi Hills 13, West Garo Hills 2, Ri Bhoi 2, West Jaintia Hills 3, North Garo Hills 2 bad Eastern West Khasi Hills 1.

Ka jingdon jong ki briew bala ïabit ïa kane ka jingpang khlam ha Jylla baroh ka long 93546 ngut bad napdeng kine 91801 ngut kila ïoh ïa ka jingkoit bad 1581 ngut kiba ïap.

Ka East Khasi Hill ka don 40 ngut kiba shitom ne active case, West Garo Hills 12, Ri Bhoi 29, West Jaintia Hills 13, South West Garo Hills 6, South West Khasi Hills 9, Eastern West Khasi Hills 1, North Garo Hills 22, South Garo Hills 4, East Jaintia Hills 5, West Khasi Hills 12 bad East Garo Hills 11.