30 tylli ki transformer kiba sniew, bun ki shnong ba shong haka jingdum ha East Jaintia Hills

Syllad | The Rising MeghalayaJune 15, 2022

Haduh 30 tylli ki transformer kiba sniew bad kane kala wanrah iaka jingthud ka jingioh bording kiba bun ki shnong ha East Jaintia Hills District.

Ia kane la iathuh da u Executive Engineer MePDCL Moowakhu, Khliehrat Distribution Division haka jingujor ka FKJGP Khliehriat Circle halor ka jingduh u transformer ka shnong Khliehriat West haka dong Lumsiatthong la ar taiew mynta.

Une u Engineer ula iathuh ba ula dep pyntip sha kiba ba halor kane ka jingduh ki transformer, hynrei haduh mynta kim pat ioh iaki transformer ba thymmai.

U presdent FKJGP, Khliehriat Circle u Michal Chyrmang ula pynpaw iaka jingsngewkhia halor kane ka jingthud ka bording bad ula dawa na ka MePDCL ban pynbiang ia bording ha baroh ki shnong hapoh ka district ban myntoi u paid nongpyndonkam bording.