305 iabit thymmai iaka jingpang COVID-19, khlad 3 ngut

Syllad | The Rising MeghalayaAugust 23, 2021

305 ngut ki briew kiba iabit thymmai iaka jingpang khlam COVID-19, 3 ngut ki briew kila khlad bad da kane ka jingiap kala kynjoh sha 1281  haka jylla haka sngi Nyngkong.

Kine kiba la khlad 3 ngut ki dei na East Khasi Hills, West Jaintia Hills bad West Khasi Hills.

Kat kum ka jingpyntip ka Tnad ka Koit ka Khiah, 305 ngut ki briew kila ïabit thymmai ïa kane ka jingpangkhlam bad kiba dang shitom ne ki active case ka long 2930  ngut hapoh ka Jylla.

Ki briew kiba iabit thymmai iaka jingpang khlam ki kynthup na EKH: 138, RBD: 105, SWGH: 1, SWKH:37, WJH: 19 bad WKH: 5.

Ki nongpang kiba la ioh pat iaka jingkoit ki don haduh 434 ngut. Kine ki kynthup na EGH: 01, EJH: 02, EKH: 198, NGH: 03, RBD: 28, SGH: 02, SWGH: 02, SWKH: 22, WGH: 69 WJH: 55 bad WKH: 52.

Ka jingdon jong ki briew bala ïabit ïa kane ka jingpang khlam ha Jylla baroh ka long 74070 ngut bad napdeng kine 69859 ngut kila ïoh ïa ka jingkoit bad 1281 ngut kiba ïap nalor ki briew ba dang shitom.