31 iabit thymmai iaka jingpang COVID-19, khlad 2

Syllad | The Rising MeghalayaFebruary 19, 2022

Haka sngi Saitjain 31 ngut ki briew kiba iabit thymmai iaka jingpang khlam, khlad 2 ngut bad da kane ka jingdon ki briew kiba iap pang COVID-19 kala kynjoh sha 1568 ngut hapoh ka Jylla.

Kine kiba khlad ar ngut ki dei na East Khasi Hills District bad South West Garo Hills District.

Katkum ka jingpyntip ka tnad ka Koit ka Khiah, 31 ngut ki briew kiba ïabit thymmai ïaka jingpangkhlam bad kiba dang shitom ne ki active case ka long 397 ngut hapoh ka Jylla.

Ki briew kiba iabit thymmai iaka jingpang khlam ki kynthup na East Khasi Hills 12, West Garo Hills 5, Ri Bhoi 3, South West Garo Hills 2, North Garo Hills 1, South West Khasi Hills 3, West Jaintia Hills 4 bad Eastern West Khasi Hills 1.

Ki nongpang kiba la ioh pat iaka jingkoit ki don haduh 105 ngut. Kine ki kynthup na East Khasi Hills 16, West Garo Hills 19, Ri Bhoi 16, South West Garo Hills 4, West Khasi Hills 1, South West Khasi Hills 2, West Jaintia Hills 28, North Garo Hills 10, Eastern West Khasi Hills 4, East Jaintia Hills 4 bad East Garo Hills 1.

Ka jingdon jong ki briew bala ïabit ïa kane ka jingpang khlam ha Jylla baroh ka long 93259 ngut bad napdeng kine 91294 ngut kila ïoh ïa ka jingkoit.

Ka East Khasi Hill ka don 155 ngut kiba shitom ne active case, West Garo Hills 63, Ri Bhoi 45, West Jaintia Hills 38, South West Garo Hills 14, South West Khasi Hills 10, Eastern West Khasi Hills 15, North Garo Hills 10, South Garo Hills 6, East Jaintia Hills 12, West Khasi Hills 16 bad East Garo Hills 13.