31 ngut ki samla kiba la dep pyntbit ban shna light, da ki tiar shna ai ka JHDS bad NABARD

Syllad | The Rising MeghalayaFebruary 15, 2022

Haduh 31 ngut ki samla kiba la dep shah pyntbit ban long ki electrician ne ki nongshna light haka jingai jinghikai ka Jaintia Hills Development Society (JHDS) ha ryngkat ka jingiatreilang bad ka National Bank for Agriculture and Rural Development (NABARD) kaba la long shi bnai lynter naduh 6-30 Nohprah 2021 kaba long ha ophis ka JHDS ha Bishop House, Lum Bihsyntu, Mimyntdu.

Kum shi bynta ban kyrshan ia kine ki samla ka JHDS bad ka NABARD kila ai de ki tool box ne tiar shna light sha kine ki samla kiba la dep shah pyntbit haka jingialang kaba long hynnin ka sngi Nyngkong.

Ha kane ka jingsam tiar la iadonlang u President ka KHUBLEI Germany, u Garhard Albert. Ka KHUBLEI ka dei ka sseng treimonsngewbha bad kumjuh ruh ka long ka shnat treikam jong ka JHDS kaba don ia ka ophis treikam hapoh ka Ri Germany.  La sdang ia kane ka seng naduh 2019 bad haduh mynta ka la lah ban kner ia ki jingiarap haduh 52 ngut ki khynnah skul kiba duk da kaba iarap baiskul/baikot (Educational Sponsorship) naduh class I haduh Class XII.

Kane ka KHUBLEI ka ai tuition khlem hap siew eiei ia ki khynnah skul ba duk kiba shong class IX bad X ia kaba la sdang ha ka Shnong MIhmyntdu ha ryngkat ka jingkyrshanlang ka JHDS. Nalor kine ki kam kane ka seng ka la iarap ruh ban kyntiew ia ka ioh ka kot ki nongrep kane ka thain da kaba ai shibun ki training prokram bad ki lad jingiarap ha ka ban sdang ia ki Micro enterprise Unit ha ki 5 tylli ki shnong kiba hap ha ka Laskein bad Thadlaskein Block.

Ha kane ka jingsam tiar light nalor Garhard Albert la iadonlang u Asst. General Manager NABARD Bah Grevile Kharlukhi, u Director ka JHD u Rev. Fr. Manbha Pakem