318 iabit thymmai iaka jingpang COVID-19, khlad 1

Syllad | The Rising MeghalayaJanuary 23, 2022

Haka Sngi U Blei 318 ngut ki briew kila iabit thymmai iaka jingpang khlam COVID-19, khlad iwei bad da kane ka jingdon jong ki briew kiba iap pang COVID-19 kala kynjoh sha 1497 ngut ha Jylla.

Ine iba khlad iwei I dei na East Khasi Hills District.

Katkum ka jingpyntip ka tnad ka Koit ka Khiah, 318 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 2121 ngut hapoh ka Jylla.

Ki briew kiba iabit thymmai iaka jingpang khlam ki kynthup na East Khasi Hills 201, West Garo Hills 70, Ri Bhoi 24, South West Garo Hills 8, West Jaintia Hills 6, Eastern West Khasi Hills 3, South West Khasi Hills 2, West Khasi Hills 2, East Jaintia Hills 1 bad South Garo Hills 1.

Ki nongpang kiba la ioh pat iaka jingkoit ki don haduh 198 ngut. Kine ki kynthup na East Khasi Hills 140, West Garo Hills 28, West Jaintia Hills 8, Ri Bhoi 6, East Jaintia Hills 6, South West Garo Hills 3, West Khasi Hills 4, South West Khasi Hills 2 bad East Garo Hills 1

Ka jingdon jong ki briew bala ïabit ïa kane ka jingpang khlam ha Jylla baroh ka long 88459 ngut bad napdeng kine 84841 ngut kila ïoh ïa ka jingkoit bad 1497 ngut kiba ïap nalor ki briew ba dang shitom.