320 iabit thymmai iaka jingpang COVID-19, khlad 3

Syllad | The Rising MeghalayaJanuary 29, 2022

Haka sngi Saitjain 320 ngut ki briew kila iabit thymmai iaka jingpang khlam COVID-19, khlad 3 ngut bad da kane ka jingdon jong ki briew kiba iap pang COVID-19 kala kynjoh sha 1518 ngut ha Jylla.

Kine ki lai ngut kiba khlad ki dei na East Khasi Hills District.

Katkum ka jingpyntip ka tnad ka Koit ka Khiah, 320 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 2419 ngut hapoh ka Jylla.

Ki briew kiba iabit thymmai iaka jingpang khlam ki kynthup na East Khasi Hills 171, West Garo Hills 57, South West Garo Hills 24, Ri Bhoi 14, West Khasi Hills 12, Eastern West Khasi Hills 11, South West Khasi Hills 7, West Jaintia Hills 7, South Garo Hills 8, North Garo Hills 6, East Jaintia Hills 2, East Garo Hills 1.

Ki nongpang kiba la ioh pat iaka jingkoit ki don haduh 320 ngut. Kine ki kynthup na East Khasi Hills 207, West Garo Hills 53, Ri Bhoi 16, West Jaintia Hills 14, East Jaintia Hills 8, South Garo Hills 6, South West Khasi Hills 5, North Garo Hills 9, South West Garo Hills 1 bad West Khasi Hills 1,

Ka jingdon jong ki briew bala ïabit ïa kane ka jingpang khlam ha Jylla baroh ka long 90522 ngut bad napdeng kine 86585 ngut kila ïoh ïa ka jingkoit bad 1518 ngut kiba ïap nalor ki briew ba dang shitom.

Ka East Khasi Hill ka dei kaba bun eh kiba iabit khlam COVID-19 bad ka don 1342 ngut kiba shitom ne active case bud sa ka West Garo Hills 475, Ri Bhoi 176, West Jaintia Hills 78, South West Garo Hills 73, Eastern West Khasi Hills 57, North Garo Hills 50, East Jaintia Hills 29, South West Khasi Hills 48, West Khasi Hills 38, South Garo Hills 32 bad East Garo Hills 21.