340 tylli ki longïing leh isynei ka Kong Chiarmon ha Wapung

Syllad | The Rising MeghalayaApril 9, 2020

Ka Kong Chiarmon Dkhar ka longkmie na ka shnong Wapungskur, East Jainta Hills kala leh isynei bad iarap ban kyrshan da ki marbam haduh 340 tylli longïing ha Wapung, East Jaiñtia Hills District.

Mynta ka sngi ruh kane ka longkmie kala bteng ban leh iaki kam lehisynei sha ki longïing longsem baduk ba kordit kiba don ha ka shnong Wapungskur, East Jaintia Hills, ia kiba la shah ktah jur bha na ka daw jong ka jingkhang khyrdep ne lockdown haka Ri India baroh kawei ban iakhun pyrshah ïaka jingpur ka khlam COVID-19.

Ka Kong Chiarmon kala pynkut ïaka jingsynniang marbam iaki nongshong haka ha ka Dong Moopynieiñ mynta ka sngi.

Mynhynnin ka sngi, ka Chiarmon Dkhar kala synniang marbam haka Dong Tpepswer. Ha kane ka dong la don haduh 88 tylli ki ki longing kiba la ioh jingiarap mar 15 kilo u khaw, u phan bad ka mluh. 

Hashuwa ban sam ia kitei ki marbam sha kitei ki longing, la ioh ia ka jingkren sngewnguh bad ruh jingduwai lyngkot na i Chairman jong ka dong Tpep Swer, u TBn.Tarson Siangshai.

Katba mynta ka sngi pat, ka Kong Chiarmon Dkhar, kala leit ai jingiarap sa ia ki longiing ba duk jong ka Dong Moopynieiñ. Ha kane ka dong la don kumba 115 tylli ki  ki longiing kiba la ioh mar 15 kilo u u khaw lem bad u phan bad ka mluh. Ha kane ka dong ruh, shuwa ban sam ia kitei ki marbam sha kitei ki longing, la ioh ia ka jingkren lamkhmat bad kyntien sngewnguh na u Chairman ka dong, u Cheerful Ryngkhlem, bud sa ka jingduwai lyngkot na u Tbn. Shatbha Ryngkhlem.

Da kane ka jingwan ai jingiarap jong ka Kong Chiarmon Dkhar sa ha ka dong Moopynieiñ la pyndep iaki kam lehisynei ha Wapungskur baroh.

Haba khein ïaka jingiarap kane ka longkmie haduh 340 tylli ki ki longing longsem ba duk  jong ka shnong Wapungskur kila ïoh myntoi ne jingiarap Da ki marbam mardih, iathuh u ma MH Dkhar.

U Ma MH Dkhar, ula ong ba ka Kong Chiarmon Dkhar kaba na ka shnong Wapungskur, kadei ka briew kaba kylluid mynsiem bha bad ka dei ka briew kaba don iaka mynsiem ban ai khamtam sha ki kup shilliang sem shilliang.

U Ma MH Dkhar, u kitbok kit rwiang ïaka Kong Chiarmon ba i nang lah shuh shuh ban leh kine ki kam bha khnang ba ka imlang ka sahlang baroh kawei ka dap kan biang bad ki longïing longsem ba duk kin lait na ka jingshahthngan.

Kane ka jingleh kane ka longkmie kadei ka jingkyrkhu kaba khraw ïaka imlang ka sahlang khamtam ha kum kane ka por ka saw ka saiñ kaba ki nongshong shnong uba duk uba hap ban shong ha iing ban pyndkut ïa u kynjri jingpur u khniang coronavirus.