361 iabit thymmai iaka jingpang COVID-19, khlad 6

Syllad | The Rising MeghalayaJanuary 28, 2022

361 ngut ki briew kila iabit thymmai iaka jingpang khlam COVID-19, khlad 6 ngut bad da kane ka jingdon jong ki briew kiba iap pang COVID-19 kala kynjoh sha 1515 ngut ha Jylla haka sngi Thohdieng.

Na kine ki 6 ngut kiba khlad, 5 ngut ki dei na East Khasi Hills bad 1 na West Garo Hills District.

Katkum ka jingpyntip ka tnad ka Koit ka Khiah, 361 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 2422 ngut hapoh ka Jylla.

Ki briew kiba iabit thymmai iaka jingpang khlam ki kynthup na East Khasi Hills 182, West Garo Hills 88, Ri Bhoi 19, South West Garo Hills 13, West Jaintia Hills 15, Eastern West Khasi Hills 9, East Jaintia Hills 7, North Garo Hills 7, East Garo Hills 6, South Garo Hills 6, West Khasi Hills 5 bad South West Khasi Hills 4.

Ki nongpang kiba la ioh pat iaka jingkoit ki don haduh 348 ngut. Kine ki kynthup na East Khasi Hills 262, West Garo Hills 38, Ri Bhoi 24, West Jaintia Hills 5, East Jaintia Hills 4, South West Garo Hills 3, West Khasi Hills 3, East Garo Hills 5 bad Eastern West Khasi Hills 4.

Ka jingdon jong ki briew bala ïabit ïa kane ka jingpang khlam ha Jylla baroh ka long 90202 ngut bad napdeng kine 86265 ngut kila ïoh ïa ka jingkoit bad 1515 ngut kiba ïap nalor ki briew ba dang shitom.

Ka East Khasi Hill ka dei kaba bun eh kiba iabit khlam COVID-19 bad ka don 1381 ngut kiba shitom ne active case bud sa ka West Garo Hills 471, Ri Bhoi 178, West Jaintia Hills 85, South West Garo Hills 50, North Garo Hills 53, Eastern West Khasi Hills 46, South West Khasi Hills 46, East Jaintia Hills 35, South Garo Hills 30, West Khasi Hills 27 bad East Garo Hills 20.