392 iabit thymmai iaka jingpang COVID-19, khlad 4

Syllad | The Rising MeghalayaJanuary 26, 2022

Haka sngi ba Balang 392 ngut ki briew kila iabit thymmai iaka jingpang khlam COVID-19, khlad saw ngut bad da kane ka jingdon jong ki briew kiba iap pang COVID-19 kala kynjoh sha 1503 ngut ha Jylla.

Kine kiba khlad saw ngut ki dei na East Khasi Hills District.

Katkum ka jingpyntip ka tnad ka Koit ka Khiah, 392 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 2494 ngut hapoh ka Jylla.

Ki briew kiba iabit thymmai iaka jingpang khlam ki kynthup na East Khasi Hills 176, West Garo Hills 111, Ri Bhoi 22, North Garo Hills 17, Eastern West Khasi Hills 12, South West Khasi Hills 12, East Garo Hills 10, South Garo Hills 8, West Jaintia Hills 8, South West Garo Hills 7, East Jaintia Hills 5 bad West Khasi Hills 4.

Ki nongpang kiba la ioh pat iaka jingkoit ki don haduh 254 ngut. Kine ki kynthup na East Khasi Hills 178, West Garo Hills 48, Ri Bhoi 11, West Jaintia Hills 1, East Jaintia Hills 2, South West Garo Hills  4, West Khasi Hills 1,  South Garo Hills 3, East Garo Hills 3, Eastern West Khasi Hills 1 bad North Garo Hills 2.

Ka jingdon jong ki briew bala ïabit ïa kane ka jingpang khlam ha Jylla baroh ka long 89553 ngut bad napdeng kine 85556 ngut kila ïoh ïa ka jingkoit bad 1503 ngut kiba ïap nalor ki briew ba dang shitom.