4 iabit thymmai iaka jingpang COVID-19

Syllad | The Rising MeghalayaMarch 7, 2022

Saw ngut ki briew kiba iabit thymmai iaka jingpang khlam COVID-19, kiba ioh pat iaka jingkoit ki don 7 ngut haka sngi Nyngkong.

Katkum ka jingpyntip ka tnad ka Koit ka Khiah, kiba dang shitom na ka jingpang ki don 140 ngut. Kine kiba iabit thymmai ki dei na East Khasi Hills 3 bad West Garo Hills 1.

Ki nongpang kiba la ioh pat iaka jingkoit ki don 7 ngut. Kine ki kynthup na North Garo Hills 2, Ri Bhoi 2, West Garo Hills 2 bad West Khasi Hills 1.

Ka jingdon jong ki briew bala ïabit ïa kane ka jingpang khlam ha Jylla baroh ka long 93601 ngut bad napdeng kine 91876 ngut kila ïoh ïa ka jingkoit bad 1585 ngut kiba ïap nalor ki briew ba dang shitom.

Ka East Khasi Hill ka don 32 ngut kiba shitom ne active case West Garo Hills 12, Ri Bhoi 29, West Jaintia Hills 18, South West Garo Hills 3, South West Khasi Hills 3, Eastern West Khasi Hills 2, North Garo Hills 12, South Garo Hills 2, East Jaintia Hills 7, West Khasi Hills 10 bad East Garo Hills 10.