40 ngut ki thei lud yn hikai ban suhjain ha Mowkaiaw

Syllad | The Rising MeghalayaOctober 14, 2022

Haduh 40 ngut ki theilud kin shah hikai pyntbit ha kaban suh jain bad embroidery haka shnong Mowkaiaw hapoh ka Community Institute of Technology (CIT) Mowkaiaw Centre.

Kane ka jingai jinghikai ka dei kaba pyniaid da ka Community Institute of Technology (CIT) Mowkaiaw Centre haka jingiatreilang bad ka Meghalaya State Skills Development Society (MSSDS).

Ia kane ka jinghikai la plie paidbah haka sngi Thohdieng da u BDO Laskein ma Ma Barister Niang, kum u kongsan haka jingiadonlang u Skill Development Officer (SDO) MSSDS Lambormi Suchen, Dr. S Waanbah Chairman ka CIT uba pyniaid iaka jingialang.

U BDO haba kren u la kyntu ruh ia ki khynnah samla kiba wan sha ka training ba kin trei minot bad trei shitom ha ki jait kam ba ki sngewtynnad bad u la ban jur ruh ia ki ba ki dei ba kin long ki ba iaishah ha kano kano ka kam ba ki trei. U la ong ba ka jingiaishah ka wanrah ia u soh jong ka jingjop ha kano kano ka liang.

Kane ka jingai jinghikai suhjain ha kane ka shlem kadei kaba nyngkong hapoh ka thain na ka bynta ki kynthei lyngba ka Skills Meghalaya.