44 iabit thymmai iaka jingpang COVID-19

Syllad | The Rising MeghalayaNovember 12, 2021

Haka sngi Thohdieng 44 ngut ki briew kila iabit thymmai iaka jingpang khlam COVID-19, kiba ioh pat iaka jingkoit ki don 21 ngut bad ym don mano mano ba khlad naka jingpang.

Katkum ka jingpyntip ka tnad ka Koit ka Khiah, 44 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 296 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 1, EJH: 3, EKH: 32, RBD: 1, WGH: 3, WJH: 1 bad WKH: 3.

Ki nongpang kiba la ioh pat iaka jingkoit ki don haduh 21 ngut. Kine ki kynthup na EGH: 1, EJH 2, EKH: 14, WGH: 2, WJH: 1 bad WKH: 1.

Ka jingdon jong ki briew bala ïabit ïa kane ka jingpang khlam ha Jylla baroh ka long 84006 ngut bad napdeng kine 82248 ngut kila ïoh ïa ka jingkoit bad 1462 ngut kiba ïap.

Ka East Khasi Hills kadon 215 active case, West Khasi Hills 21 case, West Jaintia Hills 5, Ri Bhoi 15, West Garo Hills 25, South West Khasi Hills 1, East Jaintia Hills 4, East Garo Hills 8, South West Garo Hills 1 bad South Garo Hills 1.

Ka North Garo Hills ym don mano mano kiba iabit thymmai iaka jingpang.