46 iabit thymmai iaka jingpang COVID-19

Syllad | The Rising MeghalayaOctober 30, 2021

Haka sngi Saitjain 46 ngut ki briew kila iabit thymmai iaka jingpang khlam COVID-19, 67 ngut kila ioh iaka jingkoit bad ym don mano mano ba iap na ka jingpang.

Katkum ka jingpyntip ka tnad ka Koit ka Khiah, 46 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 461 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 2, EKH: 34, NGH: 1, RBD: 3, bad WKH: 6.

Ki nongpang kiba la ioh pat iaka jingkoit ki don haduh 67 ngut. Kine ki kynthup na EJH: 1, EKH: 36, RBD: 3, SWGH: 1, WJH: 3 bad WKH: 23.

Ka jingdon jong ki briew bala ïabit ïa kane ka jingpang khlam ha Jylla baroh ka long 83605 ngut bad napdeng kine 81695 ngut kila ïoh ïa ka jingkoit bad 1449 ngut kiba ïap nalor ki briew ba dang shitom.