5 bad 6 tarik Rymphang ki final football ka Amlarem Sub-Divisional Sports Association

Syllad | The Rising MeghalayaFebruary 3, 2025

Ka jingialehkai final jong ka lympung ialehkai Super Division, Upper Division bad Lower Division Football Tournament kaba pyniaid da ka Amlarem Sub-Divisional Sports Association (ASSA) kan long haka 5 tarik bad 6 tarik Rymphang ha madan ialehkai ka shnong Jaraiñ.

Haka kyrdan Lower Division, ka Padu United kan aireng pyrshah iaka Padu Masku SC haka por 11.00 baje mynstep.

Katba haka Upper Division, ka Sohlawiat SC kan iakhun pyrshah iaka Lamin XI haka por 1.00 baje nohphai sngi.

Ka final Super Division kan long hapdeng ka Seinbhalang Shkentalang pyrshah iaka Amlarem Social haka 6 tarik Rymphang haka por 1.00 baje nohphai sngi.