5 tarik ka jingkyrkhu lum jingtep jong ka Mawprem Parish

Syllad | The Rising MeghalayaOctober 25, 2023

Ka Lum Jingtep Committee jong ka Visitation Church Mawprem Parish ha u kyrwoh lyngba u Bah A Thabah, Secretary ka pyntip paidbah ba ka jingpynkhuid ia la ki jong ki lum jingtep lah ban leit pynkhuid ha kano kano ka por, bad ka tarik ba khatduh ban pynkhuid lane shna ne maramot ia la ki jong ki jingtep kan long ha ka 3 tarik u Naiwieng 2023.

Hadien kane ka tarik yn ym shah shuh iano iano ban pynkhuid ne shna ia ki jingtep.Kumta la kyrpad ia ki paidbah baroh ba kin burom ia kane ka jingbthah jong ka Committee.

Katba ka sngi kyrkhuh ia u lum jingtep kan long ha ka 5 tarik u Naiwieng 2023, ha ka por 1:30 nohphai sngi bad yn shah tang ia ki syntiew im ban buh ha ki jingtep.

Ha kajuh ka por la kyrpad ia ki parabangeit ba lada long kaba lah ban ym rah kali namar ka jingbym don ki jaka pynieng kali.