50 hajar synniang u CEM JHADC sha ka lanot pluh ding ha Ummulong

Syllad | The Rising MeghalayaDecember 10, 2021

U Chief Executive Member (CEM), Jaintia Hills Autonomous District Council ((JHADC) u Ma Thombor Shiwat ula synniang T.50 hajar sha ka lanot pluh ding haka shnong Ummulong haka sngi Thohdieng.

U CEM ula synniang ia kane ka pisa lyngba ka council relief fund ban kyrshan ia kane ka longiing ha Ummulong kaba dei jong ka Mansuk Challam.

Kumban shu pynkynmaw kane ka jingjia pluh ding kala jia haka 21 tarik u Naiwieng jong une u snem. Kane kalongkmie kala duh ei iaki ar ngut ki khun ha kane ka jingjia pluh ding.

Hashwa ban aiti ïaka song pisa ka la don ka jingïalang lyngkot ba la pynïaid da u Waheh shnong barim ka Ummulong u Ma SS Langi haka jingïadonlang u MDC ka Ummulong-Moodymmai u Ma Jesse Suïam, ki ba haïing hasem bad ki katto katne ngut ki riew rangbah jong ka shnong.