50 percent yn plie dukan ha East Jaintia Hills

Syllad | The Rising MeghalayaJune 25, 2021

U District Magistrate, East Jaintia Hills District, Bah E Kharmalki haka sngi Thohdieng ula pynbna ba la ailad ban plie iaki iew lai sngi ha ka taiew ban wan haka sngi Nyngkong, Balang bad ka Sngi Thohdieng bad ka rukom plie la pynneh bad shah tang 50 percent ban plie naduh ka por 9 Am haduh 3 PM.

Ki ki iew kiba shah ban plie ki kynthup iaka Khliehriat East & West, baroh ka iew Ladrymbai, Umpleng, Chiehruphi, Lumshnong, Sohkymphor, Sookilo, Saipung, Samasi, Jalaphet, Rymbai, Wapung, Sutnga, Batwa and Umkiang bad iaki dukan haki shnong ki Dorbar Shnong ne Market Committee ki dei ban pyrkhing bha ba kin bud iaki kyndon.

50 percent la shah ban plie iaki dukan mar bam, dukan Hardware, dukan mobile, dukan die juti ban plie haka 28 tarik Jylliew kaba dei ka sngi Nyngkong.

50 percent la shah ban plie iaki dukan mar bam, spare parts, electrical, dukan die jain haka 30 tarik Jylliew kaba dei ka sngi Balang.

Haka 02 tarik Naitung kaba dei ka sngi Thohdieng la shah ban plie 50 percent iaki ki dukan die marbam bad ki Hardware, Mobile bad dukan die Juti .

Shuh shuh ki dukan hapoh shnong kin plie naduh ka por 2 Pm haduh 6 pm.

Ka jingpyrkhing ban iaid ban ieng na kawei ka district sha kawei ka district ka dang neh bad kiwei kiwei ki jingpyrkhing kiba la dep pynbna nalor kiwei ki kam bala pyllait na ka kyndon pynjari ban tem iaka jingpur ka khlam COVID-19.