51 tylli ki shnong pynioh khaw u MLA ka Mowkaiaw

Syllad | The Rising MeghalayaMay 2, 2020

U MLA jong ka Mowkaiaw Constituency, u Ma Nujorki Sungoh u ha kine ki khyndiat sngi ula lah ban pynpoi khaw sha ki 51 tylli ki shnong kiba hap hapoh ka constituency jong u.

Kine ki 51 tylli ki shnong la pynpoi beit ha ha baroh ha ki dorbar shnong kiba la sam pat ïa kine ki khaw sha u paidbah.

Ki shnong kiba la ioh jingmyntoi na kane ka MLA skim ki kynthup iaka shnong Mulum, Nongkynrih, Laskeiñ, Mowkaiaw, Mowtyrshiah B, Kyrwen, Madanrwan, Iongkiad, Mynksan, Ionglang, Mowshadep Niawkmai, Mowshrot,Sahsniang-A, Sahsniang-B, Thangthring, Iongsaro, Umsalaid, Tum-Tum, Khadkasla, Psiar, Mowluber, Saphai, Iawthymmei, Kyanmynsar, Iapkhla, Priang, Umdeinlin, Saba, Mukroh, Maitdein, Iongkynshur, Barato, Iongkwang, Thangrain, Khliehsniriang, Shiliangmyntang, Thadsning, Bhain, Samatan, Thadialong, Lummuriap, Thadbamon, Sowkhlieh, Musiaw, Umsalang, Latymphu bad Mobondo.

Kiwei pat ki shnong ki kynthup iaka Narkoh, Khonshnong, Lakadong, Pohkseh la ai jingiarap hi da u MLA bad u MDC Winning Garland Sungoh.

La shaniah ha ki jingstad jong ki wanheh shnong bad nongkitkam shnong ban pynpoi hok ia une u khaw sha ki paidbah bad la kyntu ruh ban peit ïaki duk kiba kyrduh ban pynthikna ba kim dei ban duh ia une u khaw.

U Eleazer C Dkhar, president UDP Mowkaiaw ula iathuh kumba long mynta 95 percent na ka 100 la dep sam ia une u khaw sha ki paidbah ka Mowkaiaw constituency.