52 iabit thymmai iaka jingpang COVID-19 khlad 2

Syllad | The Rising MeghalayaOctober 21, 2021

Haka sngi Palei 52 ngut ki briew kila iabit thymmai iaka jingpang khlam COVID-19 bad 2 ngut kiba khlad bad da kane ka jingiap naka jingpang khlam kala kynjoh 1441 ngut ha Jylla.

Kine kiba khlad 2 ngut ki dei na East Khasi Hills bad West Jaintia Hills District.

Katkum ka jingpyntip ka tnad ka Koit ka Khiah, 52 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 735 ngut hapoh ka Jylla.

Ki briew kiba iabit thymmai iaka jingpang khlam ki kynthup na EKH: 19, RBD: 2, SWGH: 1, SWKH: 1, WGH:1, WJH: 1 bad WKH: 27.

Ki nongpang kiba la ioh pat iaka jingkoit ki don haduh 76 ngut. Kine ki kynthup na EGH: 1, EKH: 48, RBD: 7, WJH: 2 bad WKH: 18.

Ka jingdon jong ki briew bala ïabit ïa kane ka jingpang khlam ha Jylla baroh ka long 83210 ngut bad napdeng kine 81034 ngut kila ïoh ïa ka jingkoit bad 1441 ngut kiba ïap nalor ki briew ba dang shitom.