556 iabit thymmai iaka jingpang khlam COVID-19, khlad 9 ngut

Syllad | The Rising MeghalayaAugust 3, 2021

Sa 556 ngut ki briew kila iabit thymmai iaka jingpang khlam bad 9 ngut kila khlad biang na ka jingpang khlam kaba la wanrah iaka jingiap 1118 ngut haka sngi ba Ar.

Kine kiba khlad sa 9 ngut ki dei na East Khasi Hills: 05 bad mar iwei na East Jaintia Hills, South West Khasi Hills, West Garo Hills bad West Jaintia Hills.

Katkum ka jingpyntip ka Tnad ka Koit ka Khiah, ki briew kiba la ïabit thymmai ïa kane ka jingpangkhlam ki don 556 ngut bad kiba dang shitom ne ki active case ki don 5574 ngut hapoh ka Jylla.

Kine ki kynthup EGH: 06, EJH: 11, EKH: 196, NGH: 12, RBD: 48, SGH: 07, SWGH: 06, SWKH: 28, WGH: 85, WJH: 65 bad WKH: 92.

Ki nongpang kiba la ioh pat iaka jingkoit ki don 816 ngut. Kine ki kynthup na EGH: 15, EJH: 15, EKH: 420, NGH: 05, RBD: 57, SGH: 08, SWGH: 05, SWKH: 23, WGH: 101, WJH: 93 bad WKH: 74.

Ka jingdon jong ki briew bala ïabit ïa kane ka jingpang khlam ha Jylla kala kiew sha ka 66495 ngut bad napdeng kine 59803 ngut kila ïoh ïa ka jingkoit bad 1118 ngut kiba ïap nalor ki briew ba dang shitom.