569 tylli ki masi ioh kurup ki shipai BSF ha East bad West Jaiñtia

Syllad | The Rising MeghalayaJanuary 29, 2020

JOWAI: Ki shipai Border Security Force (BSF) na East bad West Jaintia Hills District kila ioh ban kurup haduh 569 tylli ki masi kiba thmu ban shalan beain sha ri Bangladesh.

Na West Jaintia la ioh ban kup haduh 397 tylli bad na East Jaintia la ioh kurup haduh 172 tylli ki masi..

Naduh 17 tarik Kyllalyngkot, 19 tarik, 22 tarik, 23 tarik, 24 tarik ,25 tarik ,26 tarik, 28 tarik bad 29 tarik Kyllalyngkot ki shipai jong ka Dawki BOP ki la ioh ban kurup haduh 251 tylli ki masi bad ha kajuh hi ka sngi kata haka 17 tarik, 19 tarik, 22 tarik, 24 tarik bad 25 tarik ki shipai jong ka Muktapur BOP ki la ioh ban kurup haduh 146 tylli ki masi.

Na East Jaiñtia U SI S.N. Biswas MCP Commander haka 24 tarik bad 25 tarik Kyllalyngkot ba kila ioh bat iaki Ar tylli ki truck kaba don ia u No. AS-01LC-3873 kaba kit iaki 26 tylli ki masi bad kawei kaba don ia u bad No. AS-01JC-9256 kaba kit iaki 23 tylli ki masi khlem da don kino kino ki kot ki sla kiba biang.

Haka 28 tarik Kyllalyngkot ki shipai BSF jong ka 97 BN Commander MCP Sonapur Bridge ki la ioh bat iaki saw tylli ki truck kiba kit iaki 123 tylli ki masi kiba la suba jur ba kidei kiba thmu ban shalan tuh sha Bangladesh.

Ia kitei ki saw tylli ki truck kit masi ki shipai ki la ioh bat ha Jingkieng Sonapur haka por ba ki pynlong ka jingtalasi iaki truck ki masi beain.

Kitei ki truck kiba la ioh bat ki don ia u No. AS-11-CC-9011 ba kit iaki 24 tylli ki masi dap, NL-01-AD-9074 ba kit 24 tylli ki masi dap, MH-04-HD-0089 ba kit 16 tylli ki masi dap bad ka truck kaba don ia u no ML-10-C-6651 ka kit 40 tylli ki masi dap.

Ha kane kajuh ka sngi kawei ka truck kaba don ia u nomber HR-55-M-9737 kaba kit iaki 19 tylli ki masi kala aksident ha Jingkieng Sonapur bad ha kane ka jingjia haduh 11 tylli ki masi ki la iap hashen bad 8 tylli ki danglait im.