59 iabit thymmai iaka jingpang COVID-19, khlad 2

Syllad | The Rising MeghalayaOctober 22, 2021

Ka Jylla haka sngi Thohdieng 59 ngut ki briew kiba iabit thymmai iaka jingpang khlam COVID-19, 2 ngut kiba la khlad bad da kane ka jingiap kala kynjoh sha 1443 ngut.

Kine kiba khlad 2 ngut ki dei na South West Khasi Hills bad West Khasi Hills District.

Kat kum ka jingpyntip ka tnad ka Koit ka Khiah, 59 ngut ki briew kila ïabit thymmai ïa kane ka jingpangkhlam bad kiba dang shitom ne ki active case ka long 698 ngut hapoh ka Jylla.

Ki briew kiba iabit thymmai iaka jingpang khlam ki kynthup na EKH: 45, RBD: 3, SWKH: 1, WGH: 2, WJH: 4 bad WKH: 4.

Ki nongpang kiba la ioh pat iaka jingkoit ki don haduh 94 ngut. Kine ki kynthup na EGH: 1, EKH: 45, RBD: 2, SGH: 1, WGH: 5, WJH: 4 bad WKH: 36.

Ka jingdon jong ki briew bala ïabit ïa kane ka jingpang khlam ha Jylla baroh ka long 83269 ngut bad napdeng kine 81128 ngut kila ïoh ïa ka jingkoit bad 1443 ngut kiba ïap nalor ki briew ba dang shitom.