6 iabit thymmai iaka jingpang COVID-19, khlad 2

Syllad | The Rising MeghalayaDecember 21, 2021

Haka sngi ba Ar 6 ngut ki briew kila iabit thymmai iaka jingpang khlam COVID-19, 2 ngut kiba khlad bad da kane ka jingdon jong ki briew kiba iap pang COVID-19 kala kynjoh sha 1481 ngut ha Jylla.

Kine ki ar ngut kiba khlad ki dei na East Garo Hills bad East Khasi Hills District.

Katkum ka jingpyntip ka tnad ka Koit ka Khiah, 6 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 87 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 1, EJH: 1, EKH: 3 bad NGH 1.

Kiba dang shitom baroh ha East Khasi Hills ki long 64 ngut, West Jaintia Hills 2, Ri Bhoi 7, West Garo Hills 5, East Jaintia Hills 1, East Garo Hills 6, South West Khasi Hills 1 bad North Garo Hills.

Ki nongpang kiba la ioh pat iaka jingkoit ki don haduh 11 ngut. Kine ki kynthup na EKH: 8, EJH: 1 bad WKH: 2.

Ka jingdon jong ki briew bala ïabit ïa kane ka jingpang khlam ha Jylla baroh ka long 84763 ngut bad napdeng kine 83195 ngut kila ïoh ïa ka jingkoit bad 1481 ngut kiba ïap nalor ki briew ba dang shitom.