5 ngut thung chairman ka EC u Ma Thombor ha JHADC

Syllad | The Rising MeghalayaMarch 26, 2025

Ka Executive Committee (EC) jong ka Jaintia Hills Autonomous District Council (JHADC) hapoh ka jingialam u CEM Ma Thombor Shiwat kala thung iaki 6 ngut kiwei pat ki MDC kum ki Chairman bad Adviser jong ki tnat treikam bapher bapher ha JHADC.

Ia kane la pyntip da u CEM jong ka JHADC Ma Thombor Shiwat haba wanrah iaka report ha iing dorbar haka sngi sdang ka dorbar mang tyngka haka 26 tarik Lber.

Kine ki 6 ngut ki MDC ki kynthup ia u Ma Moonlight Pariat kum u Chairman ka Planning Board, Ma Wailadameshwa Siangshai kum u Honorary Forest Adviser, Ma Reformingson Lamare kum u Chairman Customary Law Committee.

Nalor kata la thung ruh ia u Ma Krison Langstang kum u Chairman Resource Mobilisation Committee, Ma Worshipman Shadap kum u Chairman Land Revenue and Land Reform katba u Ma Mihnyngkong Sutnga kum u Chairman, Rules Advisory Committee.

Ka kamram jong kine ki Chairman jong kine ki tnat bapher bapher ka long ban ai jingmut ia ka Executive Committee ha ki bynta bapher bapher kumno ban nang pynbha pynmiat ïa ka jingtreikam jong ka JHADC.