60 iabit thymmai iaka jingpang COVID-19

Syllad | The Rising MeghalayaFebruary 16, 2022

60 ngut ki briew kiba iabit thymmai iaka jingpang khlam COVID-19, 119 ngut kiba ioh pat iaka jingkoit ha Jylla haka sngi ba Balang.

Kat kum ka jingpyntip ka Tnad ka Koit ka Khiah, 60 ngut ki briew kila ïabit thymmai ïa kane ka jingpangkhlam bad kiba dang shitom ne ki active case kala hiar sha ka 550 ngut hapoh ka Jylla.

Ki briew kiba iabit thymmai iaka jingpang khlam ki kynthup na East Khasi Hills 24, West Garo Hills 11, West Jaintia Hills 7, Ri Bhoi 1, East Garo Hills 3, Eastern West Khasi Hills 1, West Khasi Hills 1, North Garo Hills 1, East Jaintia Hills 3, South Garo Hills 3, South West Khasi Hills 1 bad South West Garo Hills 4.

Ki nongpang kiba la ioh pat iaka jingkoit ki don haduh 119 ngut. Kine ki kynthup East Khasi Hills 52,

West Garo Hills 16, North Garo Hills 3, Ri Bhoi 13, South West Garo Hills 5, West Jaintia Hills 16, West Khasi Hills 2, East Garo Hills 3, Eastern West Khasi Hills 2, East Jaintia Hills 3, South West Khasi Hills 2 bad South Garo Hills 2

Ka jingdon jong ki briew bala ïabit ïa kane ka jingpang khlam ha Jylla baroh ka long 93131 ngut bad napdeng kine 91016 ngut kila ïoh ïa ka jingkoit bad 1565 ngut kiba ïap nalor ki briew ba dang shitom.

Ka East Khasi Hills ka don 201 ngut kiba dang shitom, West Garo Hills 93, Ri Bhoi 70, West Jaintia Hills 61, South West Khasi Hills 10, Eastern West Khasi Hills 20, South West Garo Hills 15, North Garo Hills 22, East Garo Hills 16, East Jaintia Hills 16, West Khasi Hills 18 bad South Garo Hills 8.