60 ngut yn jied u MLA Jowai sha ka training seng kam lajong
U MLA ka Jowai ula pynbna ban jied 60 ngut ki samla sha ka jingai jinghikai ban seng kam lajong kaba tip kum ka “Training for Business Start-Up” kaba la plie paidbah haka sngi Thohdieng ha Thomas Jones Synod College.
Kane ka jingai jinghikai kan neh 45 sngi lynter bad kiba tbit tam bad kiba don ryngkat bad ki buit thymmai kaba lah ban aikam ia kiwei kin ioh ka bai rneng kaba T.2 lak ban seng iaka kam.
Haka jingïalang plie ladonlang u MLA u Ma Wailadmiki Shylla, u Deputy Commissioner ka West Jaintia Hills District u Ma Garod LSN Dykes IAS, ki MDC ka JHADC, u Principal ka Thomas Jones Synod College u Dr. K Lyngdoh haka jingïalang kaba la pynïaid da u Eladmiki Suting Program Coordinator.
U Ma Wailadmiki Shylla haba kren ula ong ka jingthmu jong u ban sdang ia kane ka training ne ka jingai jinghikai ka long ban ïarap ïaki samla ban ïeng haki jong ki kjat namar kumba long mynta ki samla ki don ïaka sap hynrei kim ïoh ka lad ban pynjanai ïa kata sap.
Kiwei kiwei kiba kren ki kynthup ia Pearlet Toi, General Manager District Commerce and Industries Centre uba ai jingkren halor ka Prime Minister’s Employment Generation Programme (PMEGP) kaba la mang na ka bynta ki samla bym don kam don jam kaba dei ka subsidy programme kaba 35%. Katba u CEO ka Jowai Co-operative Urban Bank Ltd (JCUBL) u Ma AN Muksor ula batai ïaki kam kiba ïadei bad ka bank.
Facebook
Instagram
Youtube
Twitter
Lada u MLA u hap ban pynlong ïa kum kane ka jingai hikai seng kam lajong. Ka pynpaw ba ka office u DC, ka DIC, ka Labour, ka Meghalaya skills development etc jong ka sorkar Meghalaya ha WJHD ki la dkhoh ha ka jingtreikam ka jong ki na ka bynta ban kyrshan ïa ki samla wad kam ne u MLA u la pyndkoh ïa ka jingtreikam ka jong ki ??