64 iabit thymmai iaka jingpang COVID-19

Syllad | The Rising MeghalayaJanuary 7, 2022

Haka sngi Thohdieng 64 ngut ki briew kila iabit thymmai iaka jingpang khlam COVID-19 bad da kane ka jingdon ki briew kiba shitom ka long 262 hapoh ka Jylla.

Katkum ka jingpyntip ka tnad ka Koit ka Khiah, kine ki 64 ngut ki briew kiba ïabit thymmai ïa kane ka jingpangkhlam ki dei na East Khasi Hills 55, Ri Bhoi 3, West Garo Hills 3, North Garo Hills, West Jaintia Hills bad West Khasi Hills mar iwei ba shitom.

Ki nongpang kiba la ioh pat iaka jingkoit ki don haduh 14 ngut. Kine ki kynthup na East Khasi Hills: 11 bad mar iwei na East Jaintia Hills, Ri Bhoi bad West Garo Hills.

Ka jingdon jong ki briew bala ïabit ïa kane ka jingpang khlam ha Jylla baroh ka long 85085 ngut bad napdeng kine 83338 ngut kila ïoh ïa ka jingkoit bad 1485 ngut kiba ïap nalor ki briew ba dang shitom.

Ka East Khasi Hills kadon 220 ngut kiba dang shitom, West Garo Hills 22, Ri Bhoi 7, West Jaintia Hills 7, South West Khasi Hills 3, North Garo Hills 1, East Jaintia Hills 1 bad West Khasi Hills 1.