65 iabit thymmai iaka jingpang COVID-19, khlad 1

Syllad | The Rising MeghalayaOctober 19, 2021

65 ngut ki briew kila iabit thymmai iaka jingpang khlam COVID-19, iwei iba khlad naka jingpang bad da kane ka jingiap kala kynjoh sha 1439 ngut haka jylla.

Ine iwei iba khlad I dei na East Garo Hills District.

Katkum ka jingpyntip ka tnad ka Koit ka Khiah, 65 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 740 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 1, EKH: 43, NGH: 1, RBD: 2, SGH: 1, WGH: 2, WJH: 9 bad WKH: 6.

Ki nongpang kiba la ioh pat iaka jingkoit ki don haduh 101 ngut. Kine ki kynthup na EKH: 55, NGH: 1, RBD: 8, WGH: 6, WJH: 9 bad WKH: 22.

Ka jingdon jong ki briew bala ïabit ïa kane ka jingpang khlam ha Jylla baroh ka long 83079 ngut bad napdeng kine 80900 ngut kila ïoh ïa ka jingkoit bad 1439 ngut kiba ïap nalor ki briew ba dang shitom.