7 iabit thymmai iaka jingpang khlam COVID-19, kiba koit 26 ngut

Syllad | The Rising MeghalayaNovember 13, 2021

Haka sngi Saitjain 7 ngut ki briew kila iabit thymmai iaka jingpang khlam, kiba ioh pat iaka jingkoit ki don 26 bad ym don mano mano ba khlad.

Katkum ka jingpyntip ka Tnad ka Koit ka Khiah, ki briew kiba la ïabit thymmai ïa kane ka jingpangkhlam ki don 7 ngut bad kiba dang shitom ne ki active case ki don 277 ngut hapoh ka Jylla.

Ka East Khasi Hills ka don 203 ngut kiba dang shitom, West Garo Hills 24, West Khasi Hills 18, Ri Bhoi 15, East Garo Hills 7, East Jaintia Hills 4 bad West Jaintia Hills 4.

Mar iwei kiba shitom ha South Garo Hills bad South West Garo Hills bad ha North Garo Hills bad South West Khasi Hills ym don shuh kiba iabit thymmai iaka jingpang COVID-19.

Kine kiba iabit thymmai iaka jingpang ki dei na East Khasi Hills: 6 bad na Ri Bhoi: 1.

Ki nongpang kiba la ioh pat iaka jingkoit ki don 26 ngut. Kine ki kynthup na EGH: 1, EKH: 18, RBD: 1, SWKH: 1, WGH: 1, WJH: 1 bad WKH: 3.

Ka jingdon jong ki briew bala ïabit ïa kane ka jingpang khlam ha Jylla ka long 84013 ngut bad napdeng kine 82274  ngut kila ïoh ïa ka jingkoit bad 1462 ngut kiba ïap.