7 kol jop ka Mynken iaka Arunachal Pradesh, jam sha ka final U-17 Subroto Cup

Syllad | The Rising MeghalayaSeptember 9, 2024

Ka Mynken Christian Higher Secondary School ka la jam sha ka final jong ka U-17 International Subroto Cup 2024, hadien ba ka la lah ba kan pynliem ka ia skul na Arunachal Pradesh da 7-0, ha ka jingiakhun ia ka semifinal kaba la long ha nongbah Delhi haka 9 tarik Nailur.

Ka jingiakhun ka long ba haduh ba kut ka kylla step, ka Mynken kala lah ba kan thep shwa ar kol, bad ia ki san tylli ki kol kiba sah la thep pat ia ki ha ka kylla miet.

Sa shisien ki namtam napdeng ki nongialehikai naka bynta ka Mynken Christian HSS dei u Banganson, uba la lah ban khyrwit iaka hattrick kaba ar jong u hadien ba ula lah ban thep iaki lai kol haka minit 21′, 35’+1 bad 45′, bud pat sa u Alicestar – 44′, 51′, u Mebanlamlynti 39′ bad u Mebankhraw 65′

Da kane ka jingjop, ka Mynken Christian Higher Secondary School kaba mihkhmat iaka Meghalaya kan khreh ba kan iakhun pyrshah ia ka skul na Manipur, kaba la lah ban pynliem ia ka Sri Lanka ha ka jingiakhun ia kawei pat ka semifinal.