7 tylli ki mat buh ka HYC ha khmat u Myntri kam rep kam riang

Syllad | The Rising MeghalayaSeptember 4, 2020

Ka Hynñiewtrep Youth Council (HYC) lyngba Agricultural and Farmers Welfare Cell kala buh haduh 7 tylli ki mat jingdawa ban pyntreikam hakhmat u Myntri kam rep kam riang Bah Banteidor Lyngdoh haka sngi Thohdieng.

Ka Agricultural and Farmers Welfare Cell jong ka HYC haka jingiakynduh ia u Bah Banteidor Lyngdoh kala ai da ka dorkhat ban dawa ia kine ki 7 tylli ki mat na ka bynta ban weng iaka jingeh jong ki nongrep ka jylla.

Katkum ka dorkhat kaba ka HYC kala ai kine ki 7 tylli ki mat jingdawa kilong kine harum:

• Ka Sorkar kadei ban buh noh iaka Minimum Support Prices (Ka jingbuhdor ia ki mar rep) khnang ba ka jingthied ne ki nongkhaii bad ki ksiang khaii kin nym thied tad ia ki mar. ka seng ka duwa ba ka Sorkar kan pyntreikam noh mardor iaka Meghalaya State Agriculture Produce and Livestock Marketing (Promotion & Facilitation) Act 2020 bad kiwei ki ain ba iadei bad kane.
• Ka sorkar kadei ban pynmih noh iaka hakum ban pynduh noh iaka jingot kilo iaki mar rep haki iew ki hat khamtam eh iaki nongrep ba leit rah mar rep tang hapoh ka 50kg.
• Ka seng ka dawa ban buh noh iaka Cold Storage ha iewduh bad kiwei kiwei ki jaka ba bun ka jingkhaii ia ki mar rep.
• Ka sorkar ka dei ban nang pynkhlain ia ka jingtrei kam jong ka Farmer Welfare Commission.
• Ka sorkar kadei ban pynbun ki symbai jhur ha ki Agriculture Centre jong ka Sorkar kiba don ha ki shnong bapher bapher ryngkat ka subsidy kaba shiteng dor.
• Ka Sorkar kadei ban ai training ia u nongrep, kumno ba yn nang pyndonkam da ki bor machine katkum ka stad Technology kaba mynta khnang ba u nongrep yn lah ban pynmih khambun ki mar rep.
• Ka Sorkar ka dei ban map noh (waive) iaka sut naki ram ba shim ki nongrep naduh u bnai April (Iaiong) haduh u bnai December (Nohprah) jong une u snem 2020 namar ba don ka Lockdown na ka jingiakhun pyrshah iaka khlam COVID- 19.

Na kaliang u Myntri ula kular ban shimkhia halor kane ka jingdawa jong ka HYC khnang ban pynsuk bad myntoi u paid nongrep salonsar haka jylla.