7 tylli ki takma khur ka West Jaintia Hills na ka 19th Meghalaya State Level Wushu Championship

Syllad | The Rising MeghalayaMarch 18, 2022

Ka West Jaintia Hills Wushu Association ka lah ioh khur haduh 7 tylli  ki takma naka lympung ialehkai martial arts kaba 19th Meghalaya State Level Wushu Championship 2022 ba la pynlong da ka Meghalaya Wushu Association (MWA).

Ki nongialehkai kiba ioh khur iaka takma ki dei u Obadaia Kelphung – Gold, Sanjiovanni Bho- Silver, Fivestar Bareh – Silver, Bantiplang Khongwir – Silver, Ricky Mukhim – Bronze, Juh pa u juh Nongtdu – Bronze, Decent Sungoh – Bronze. Ka Satisfy Syngkon kaba dei ka nong ïalehkai Wushu Meghalaya ka shim bynta kum ka official ha kane championship .

Kane ka lympung kaba ar sngi kala poi kala kut haka 12 tarik une bnai u Lber ha Madanrting Indoor Sports Hall.

La iathuh ba ha kane ka lympung ialehkai la wan ban iashimbynta 147 ngut ki nongialehkai martial arts na kylleng ki district kynthup iaki shynrang bad kynthei.

Ïa kane ka Wushu championship lawan ban plie da u Bah John F Kharshiïng Working President Meghalaya State Olympic Association (MSOA) ha ka jingiadonlang u Ma Finely L Pariat general secretary (MSOA) bad la wan pynhap pyrda ïa kane lympung da u Dasakhiat Lamare u myntri sorkar bad u MLA ka Mawhati.

Shuh shuh na kaliang u President ka West Jaintia Hills Wushu Association (WJHWA) u Sambormi Lyngdoh ha ryngkat bad ki nongkit kam jong kane ka Association ki ai khublei ia u MLA ka 2-Jowai Constituency Ma Wailadmiki Shylla halor ka jingsynniang bad kyrshan jong da ka pisa sha ka West Jaintia Hills Wushu Association ban ioh iashimbynta ha kane ka lympung.