70 iabit thymmai iaka jingpang COVID-19, khlad 2

Syllad | The Rising MeghalayaJanuary 10, 2022

Haka sngi Nyngkong 70 ngut ki briew kila iabit thymmai iaka jingpang khlam COVID-19, khlad 2 ngut bad da kane ka jingdon jong ki briew kiba iap pang COVID-19 kala kynjoh sha 1487 ngut ha Jylla.

Kine kiba khlad ki dei na East Khasi Hill bad West Khasi Hills District.

Katkum ka jingpyntip ka tnad ka Koit ka Khiah, 70 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 448 ngut hapoh ka Jylla. Ki briew kiba iabit thymmai iaka jingpang khlam ki kynthup na East Khasi Hills: 62, Bhoi: 4 bad West Garo Hills: 2, South West Khasi Hills 1 bad West Khasi Hills 1.

Ki nongpang kiba la ioh pat iaka jingkoit ki don haduh 14 ngut. Kine ki kynthup na East Khasi Hills: 11, West Garo Hills 2, bad Ri Bhoi: 1.

Ka jingdon jong ki briew bala ïabit ïa kane ka jingpang khlam ha Jylla baroh ka long 85304 ngut bad napdeng kine 83369 ngut kila ïoh ïa ka jingkoit bad 1487 ngut kiba ïap nalor ki briew ba dang shitom.

Ka East Khasi Hills kadon 371 ngut kiba dang shitom, West Garo Hills 45, Ri Bhoi 15, West Jaintia Hills 7, East Jaintia Hills 3, East Garo Hills 1, North Garo Hills 1, South West Khasi Hills 4, bad West Khasi Hills 1.