70 tylli kurup masi ki shipai BSF

Syllad | The Rising MeghalayaSeptember 16, 2019

JOWAI: U Superintendent of Police, West Jaiñtia Hills District ula ïathuh ba ki shipai Border Security Force (BSF) kila ïoh kurup haduh 70 tylli ki masi na ka thain Muktapur.

La ïathuh ba haka 11 tarik une u bnai la ïoh kurup 25 tylli ki masi bad haka 13 tarik pat la ïoh kurup 45 tylli. Ïa kine ki masi kiba la thmu ban shalan tuh sha Bangladesh la kurup haka por kumba 7 PM bad 8 PM  na Hawaitilla kaba hap ha Muktapur PP.

Nakaliang u SP ula kyntu ïaki trai masi lane kiba don jingtip halor ka jingshah tuh masi ban wanmih sha Muktapur PP ban pyndep ïaka jingdonkam ka aiñ.