8 tarik ka final Veteran Football ka EJHDFA

Syllad | The Rising MeghalayaDecember 6, 2023

Ka lympung ialehkai 1st Open to All Veteran Football Tournament kaba pyniaid da ka East Jaintia Hills District Football Association (EJHDFA) kala jam noh pat sha ka final hadien bala pyndep iaka jingiakhun semifinal haka 5 tarik Nohprah.

Ki ar tylli ki kynhun ki ban iaknieh iaka nam lahduh ki dei ka 12 Dolloi bad Ar Dolloi FC ka ban long haka 8 tarik Nohprah.

Haba phai sha ka jingialehkai semifinal baroh ar tylli la rai iaka nam jop da ka jingshut penalty ha madan Diengshynrum, ka 12 Dolloi ka la pynliem iaka West Jaintia Police da 3-2. Ka Ar Dolloi kala jop iaka Tyllilang da da 4-3.

Ka jingiakhun Final kan long haka 8 tarik Nohprah haka por 12.30 baje shiteng sngi.