8 tylli ki kyndon buh ka Lion Mission Compound ia ki candidate ka Jowai

Syllad | The Rising MeghalayaJanuary 25, 2023

Ka Dorbar Shnong Lion Mission Compound, Jowai kan long sa kawei pat ka shnong kaba buh kyndon iaki candidate ka Jowai Constituency haka por ba ki wan ialap election hapoh pud u ang ka shnong.

Kine harum ki long ki kyndon bala buh kaba u kyrtong u dei ban leh bad ym bit ban leh haka por ialap elekshon:

• Yn shah tang 15 ngut ki nongkyrshan kynthup bad ia u Candidate ki ba na bar jong ka shnong

• Yn shah tang 4 tylli ki kali rit (Light Vehicle) kynthup ia ka kali jong u Candidate. 

• Yn shah tang 3 (lai) ngut kynthup ia u candidate ki ba lah ban ialap election. Ia u Chairman ne nongpyniaid ia ka jingialang un jied hi da ka party.

• Ym shah ia ki khun jong ka shnong ban ieng rynsan ban ialap election hapoh ka shnong bad ban pyniaid ruh ia ka jingialang (Chairman).

• Ym shah ban leh decoration lait tang kawei ka Flex (Banner) bad kawei ka Lama jong ka party.

• Ka por ialap election hapoh ka Shnong kan long hadien ba la wai jingiaseng na Ïngmane Balang Presbyterian Jowai (7:30 p.m) bad un pynkut katkum ka por ba la buh da ka Government.

• Ym shah ia kino kino ki kali ki ba iaid lyngba ka shnong ban pynheh ia kino kino ki sur jingrwai ka ban pynwit pynthut ia ka shong ka thaw.

• Lada ki unit jong ki party ka shnong ki kwah ban leh ei ei ha ka sngi campaign hapoh ka shnong ki dei ba ai jingtip 3 (lai) sngi shwa ka Campaign sha u Waheh chnong.

Ka Dorbar Chnong Lion Mission Compound, Jowai ka appeal ia baroh ban ia trei lang bad ban bud ia ki aiñ ki kyndon khnang ba ka jingthmu jong ka Shnong kan wanrah ia ka shongsuk shong saiñ bad la mana ruh kino kino kiba ialeh pyrshah ia kine ki kyndon un pynshitom katkum ka aiñ.