81 hajar ki khun samla kin ai ka rai iaka lawei ka Jylla

Syllad | The Rising MeghalayaJanuary 11, 2023

Kumba 81 hajar ngut ki samla kynthei bad shynrang ka jylla Meghalaya ki la pynrung ia la ka kyrteng ka jong ki sha ka thup jong ka Electoral Roll jong ka jylla, bad kine ki samla baroh, kin khreh ruh ba kin iashim bynta lem noh ha ka jingiathep votre, ha ka sngi ba ka jylla kan leit sha ka elekshon ban jied ia la ki nongmihklhmat ka iing dorbar thaw aiñ jong ka jylla.

Ia kane la iathuh da u Chief Electoral Officer ka jylla u bah Frederick Roy Kharkongor ha ka jingiakren bad u syllad ha ka shlem treikam ka jong u.

Ka daw kabala pynlong ia ka  samla ban pynrung ia la ka kyrteng ka jong ki sha ka thup jong ka electoral roll hi ka long ba kum u CEO u la shim khia ban iaid  ialap bad wer ha baroh kawei ka jylla ia ki khun samla ban wan shakhmat ban ai ia la ki kyrteng ka jong ki, bad ban lah ban khring ia ki, la pynlong ruh ia kiba bun ki prokram kum ka Mission Unite kaba khring ha ki polling station kaba ka jingpynrung kyrteng ka long tang kumba 20% na ka 100, ryngkat ka jingiasyllok lang bad ki Rangbah shnong bad bynrap lang ruh ia ka jiniasyllok bad ki Seng samla.

Shuh shuh wat ki People With Disabilities (PWD) ne kiba doin jingduna haka bor met, la lah ban pynrung ia ki sha ka thup ka electoral roll kaba ha kane ka kynti kaba mynta ka jingdon jong ki ka long 7478 bad ia kine ruh ka la don ruh ka phorm 12D ki lahruh ban thep vote na la iing.

Kumba la pyrshang ha kji snem ba la dep kan don ruh ka jingsam medal sha ki 5 ngut kiba smat  ban poi nyngkong sha ki jaka ban thep vote kaban iai bteng ruh ha kane ka kynti ba mynta bad bynrap lang  ia kito  kiba dang shu dep ban pynrung thymmai ia ka kyrteng jong ki ia kine ruh u CEO u la ong ba ka ophjis ka la pynbkhreh ba kan da ai da ki syrnot ne certificate.

Sa kawei ka rukom pyrkhat thymmai kaba lah ban pyntreikam  ha kane ka elekshon kan dei ka Youth Manage Polling Station ne Youth Assisted ha kaba ki nongpyniaid ia ka jingthep vote kin dei ki khynnah samla ba treikam ophis, nangta ka All Women Manage Polling Station ban don haduh 120 tylli.

Nalor katta u bah Frederick u la ong ba la lap ruh ba don kumba 300 tylli ki polling station kaba ka jingpynrung kyrteng ka long kaba kham duna haba ia nujor ha ka jylla hi baroh kawei ne hapoh ka 20%, ia kane ruh la shim khia bad la pruid dak syndon ia ka ban da ai da ka kyrteng Mission 300.

Ha  ka election u snem 2018 ka jingpoi ki paidbah nongthep vote ka jan kynjoh sha ka 87% bad lada lah lei lei ban nang khring shuh shuh  ia kine ki 300 tylli ki polling station, u Bah Frederick u kyrmen ba lehse mynta ka snem kan don ka jingkiew ki paid nongthep vote shaduh ka 90% tam.

U Frederick u pyntip ba haka sngi ka jingwan jngoh u Chief Election Commissioner ia kane ka jylla, kan don ruh ka prokram pyllait paidbah ia ka ‘SUPER SIX’ NE KI SHALYNTEM JONG KA SYNSHAR PAIDBAH ‘WHEELS OF DEMOCRACY.