81 iabit thymmai iaka jingpang COVID-19, khlad 1

Syllad | The Rising MeghalayaFebruary 11, 2022

Haka sngi Thohdieng 81 ngut ki briew kila iabit thymmai iaka jingpang khlam COVID-19, khlad 1 bad da kane ka jingdon ki briew kiba iap pang khlam kala kynjoh sha ka 1559 hapoh ka Jylla.

Ine I ba khlad I dei na South West Garo Hills District.

Katkum ka jingpyntip ka tnad ka Koit ka Khiah, 81 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 928 ngut hapoh ka Jylla.

Ki briew kiba iabit thymmai iaka jingpang khlam ki kynthup na East Khasi Hills 36, West Garo Hills 19, Ri Bhoi 8, South West Garo Hills 1, South West Khasi Hills 2, West Jaintia Hills 5, East Jaintia Hills 1, Eastern West Khasi Hills 4, South Garo Hills 2, West Khasi Hills 2 bad East Garo Hills 1.

Ki nongpang kiba la ioh pat iaka jingkoit ki don haduh 172 ngut. Kine ki kynthup na East Khasi Hills 77, West Garo Hills 43, Ri Bhoi 17, South West Garo Hills 2, South West Khasi Hills 3, West Jaintia Hills 12, South Garo Hills 5, Eastern West Khasi Hills 5, East Jaintia Hills 5 bad East Garo Hills 3.

Ka jingdon jong ki briew bala ïabit ïa kane ka jingpang khlam ha Jylla baroh ka long 92847 ngut bad napdeng kine 90360 ngut kila ïoh ïa ka jingkoit bad 1559 ngut kiba ïap nalor ki briew ba dang shitom.

Ka East Khasi Hill ka dei kaba bun eh kiba iabit khlam COVID-19 bad ka don 358 ngut kiba shitom ne active case bud sa ka West Garo Hills 151, Ri Bhoi 117, West Jaintia Hills 96, South West Garo Hills 25, South West Khasi Hills 38, Eastern West Khasi Hills 33, North Garo Hills 31, South Garo Hills 15, East Jaintia Hills 18, West Khasi Hills 26 bad East Garo Hills 20.