9-1 kol jop ka PHE iaka Water Resources jam noh ka inter office football ka MSGEF sha ka semifinal

Syllad | The Rising MeghalayaDecember 7, 2021

Ka PHE XI kanlong ka kynhun kaba saw ban buh jaka ialade haka semifinal jong ka inter office football kaba pyniaid daka Megahalaya State Government Employees’ Federation (MSGEF) kaba long ha Kiang Nangbah Stadium haka sngi ba Ar.

Kane kala wan hadien ba kala ban pynliem da 9-1 kol pyrshah iaka Water Resources XI kaba die artad ka jingiakhun quarterfinal kaba khatduh eh.

Da kane ka majop ka PHE XI kan airing pyrshah iaka 3^rd MLP Battalion haka semifinal ba nyngkong haka 9 tarik une u bnai bad kawei pat ka jingiakhun kan long hadpeng ka Medical XI pyrshah iaka WJH Police haka 10 tarik une u bnai.

Haba phai sha ka jingiakhun ka PHE XI kala tam shakhmat 4 kol haka kylla step lyngba ka kol kaba la thep u yndap Dkhar (8, 15) bad u Endingborn Lyngdoh (25, 37). U Endingborn haka kylla miet ula thep sa 2 kol (71, 78) bda khur iaka hattrick. Sa mar shikol la thep da u Tummy Ryngkhlem (61), Samhame Bareh (50) bad u Serious Bareh (80+1).

Shikol ban lait brut ka Water Resources la thep d au Pynbait Law.